Dropbox - деген не?!
Dropbox — файлдарды интернет желісінде сақтауға мүмкіндік беретін интернет сервис. Яғни, интернет жады(память).
Dropbox-тан берілетін жадыңызды пайдалану үшін, алдымен, тіркелу керек. Және арнайы бағдарламаны жүктеп алып, қондыру керек. Сол кезде, сізге дропбокстың толық сыры ашылады. Осы мақалада, мен сіздерді осы сервиспен жақынырақ таныстырамын.
Dropbox-тың мүмкіндіктері(қысқаша):
- 2ГБ тегін жады.
- кез келген файлды сақтап, кез келген интернет бар жерден сол файлдарды алуға болады. Компьютерде жады жетіспеген жағдайда немесе компьютер бұзылса файлдан айрылып қалмау үшін сақтап қоюға болады.
- сақталған файлдармен бөлісуге болады. сақталған файлдардың сілтемесі оңай алынады. (мысалы мына файл менің жадымда тұр).
- сіздің компьютер өшіп немесе интернет желісіне қосылмай тұрса да, сілтемелер жұмыс жасап тұрады.
- синхронизация — яғни сіздің компьютеріңізде бір папка Dropbox-қа арналады. Сол папкаға салынған файл автоматты түрде сиздің интернеттегі жәшігіңізге жүктеледі.
- тарих-журналы — сіздің жүктеу/өзгертулеріңіздің тарихы жазылады және 30 күн өтпей тұрып қайтару мүмкіндігі бар. мысалы 1 файлды өшірген болсаңыз бұл ісіңіз журналда тіркеледі, сол жерден 30 күн арасында сол файлды қалпына келтіруге болады.
Dropbox-тағы тіркелу беті мынандай:
Ия, байқағаныңыздай бұл жерде бәрі ағылшын тілінде! Қазақ тіліндегі нұсқасы өкінішке орай әзірге жоқ. Жақын арада пайда боларына сенеміз. Бірақ, мен сіздерге бұл беттің аудармасын ұсынамын! Төменгі суретте барлық жазулардың аудармасын келтірдім. Осы суретке қарай отырып, сіз оңай тіркеле аласыз деп ойлаймын. Не бары 4-ақ жолды толтырып сіз Дропбокстың қолданушысы бола аласыз. Барлық жолдарды толтырып болғаннан кейін, "Дропбокс ережелерімен келісемін" деген ұяшықты белгілеп "Create account" деген көк батырманы бассаңыз сіздің ақпарат сақталып, сізді программаны жүктеу бетіне ауыстырып жібереді.
Егер тіркелу бетіне өткіңіз келсе мына сілтемені басыңыз.
Егер үстіңгі беттен өтіп, төменгі сереттегідей сізге дропбокстың бағдарламалық қамтамасын жүктеуді ұсынса, онда сіз тіркеуден өтіп қойған болып есептелесіз, құттықтаймын! Ендігі қадам, бағдарламаны жүктеп, синхронизацияның мүмкіндігін пайдалану. "Сохранить файл" дегенді басып жүктеу үрдісін бастаймыз. Жүктеу аяқталғаннан кейін бағдарламаны екі рет шерту арқылы қондырасыз. Ал егер жүктеу ұсынысы әлі де шықпаған болса, онда көк жазумен жазылып тұрған "restart the download" деген сілтемені басып көріңіз.
Қондыру барысында, төменде көрсетілгендей жаңа бейнешік пайда болуы тиіс. Құдай қаласа, ол сізге бағдарламаны пайдалануға мүмкіндік беретін болады. Сонымен қатар, жүктелу үрдісі кезін және тағы да бірнеше жағдайларды бейнелеп, сізді ақпараттындырып отыратын болады.
Қондыру аяқталғаннан кейін, бағдарлама сізге екі нәрсеге таңдау қояды. Олар:
- Сізде аккаунт жоқ
- Сізде аккаунт бар
Ендігі қадам, өз жәшігімізге кіру. Емайлыңыз бен құпия сөзіңізді енгізесіз. "Computer name" деген жерге компьютердің атын оның қолданылу аясына қарай атау қажет. Яғни, егер жұмыста қондырсаңыз "Жұмыс копьютері", үйде болса үйдегі. Бұлай атау кейін қай компьютерден қай файлды жүктегеніңізді және жалпы қай компьютермен қандай амал жасағаныңызды ажыратып алуыңызға септігін тигізеді.
Бітті, осымен біз қондыру үрдісін толық аяқтадық. Қалғаны оңай, төмендегі батырманы шерте беру ғана қалды.
Енді, қондыруды аяқтаған кезде бағдарламаның қолданылуына тоқтала кетсек. Бағдарламаның тағы қандай мүмкіндіктері бар екен? сол туралы...
Бағдарламаның бейнешесіне тышқанның оң жақ батырмасын шертсеңіз төмендегідей бейнені көресіз. Жоғарыдан төмен қарай менюдағы тізім мынандай:
- Дропбокс папкасын ашу
- Дропбокстың уеб-сайтына өту
- Жақында өзгертілген файлдар
- Жәшігіңіздің жалпы көлемі және қанша пайызы қолданылып тұрғаны туралы
- Файлдардың күйі(жүктелген, жүктеліп жатыр, тағы сол сияқты)
- Жәшік көлемін көбейту
- Синхронизацияны уақытша тоқтату
- Баптаулар..
- Көмек
- Шығу - бағдарламаны жауып тастау
Баптаулардың (Preferences) мүмкіндіктеріне тоқталайық. Алдымен Genetral (жалпы) баптаулар беті ашылады. Терезенің үстінгі бөлігінде үш амалдың белгішесі берілген:
- Жұмыс үстеліне хабарландыруларды көрсету
- Дропбоксты уиндоуспен бірге қосу
- Синхронизацияны қосу
Және осы үш белгішенің астында сізге автоқосылуларды басқаруға мүмкіндік берілген. Бұл амал флешканы компьютерге салған кезде, диск салынғанда орындалатын автоқосылу терезесіндегі дропбокстың активтілігін басқаруға қатысты...
Келесі суретте аккаунтар баптауы көрсетілген. Бұл беттен сіз бағдарламаға бекітілген аккаунттарды қосып өшіре аласыз.
Келесі сурет Желілік баптауларға байланысты. Бұл жерде сіз жүктеу немесе жаңарту жылдамдықтарына шектеу қоя аласыз.
Ендігі баптау проксиге қатысты. Көбінесе бұл баптау қозғаусыз тұрады. Ал егер сіз қандай да бір серверге баулаулы тұрсаңыз, осы жерден өз серверіңіз бен портыңызды енгізуіңіз керек.
Баптаудың соңғы жағына келіп қалдық. Бұл кеңейтулер беті, төменде көрсетілген. Бұл жерде сізге алдымен дропбоксқа арналған папканың орналасуын ауыстыруға болады.
Екіншіден (Selective sync), синхронизацияланатын папкаларды шектеп қоюыңызға болады. Төменде осы батырманы таңдағанда шығатын мүмкіндіктер көрсетілген, арнайы тоқталамыз.
Үшіншіден, сізге жүйе тілін ауыстыруға мүмкіндік берілген, бірақ жоғарыда айтылғандай, әзірге қазақ тіліне ауыстыру мүмкіндігі жоқ(Орыс тіліне де аударылмаған).
Төмендегі сурет Advanced -> Selective Sync -деп таңдағанда шығады, бұл жерден жәшігіміздегі папкалардың тізімін көреміз. Егер белгішені алып тастасаңыз, сол папка сіздің компьютерге жүктелмейтін болады. Бірақ интернет жәшігіңізде сол күйінде тұра береді.
Сол жақ төменде "Swich to Advanced view" деген батырма арқылы тек бастапқы папкаларды емес, олардың ішіндегі папкаларды да басқаруға мүмкіндік бар. Ол келесі суретте көрсетілген.
"Swich to Advanced view" батырмасы басылғаннан кейінгі көрініс.
сөзімнің соңында, виндоус мәзірінде тұратын бейнешенің әдемі көрінісін тағы бір көрсетіп кетейін =). Барлық файлдар жүктеліп тұрғaндағы бейнесі осындай.
Ал мынау интернеттен жүктеп жатқан күйінің көрінісі.
Назарларыңызға рахмет! Егер жазба ұнаса, достарыңызбен бөлісуді ұмытпаңыздар!
Шын жүректен, Елдес Қайсар!